ფარმაკოლოგიური ჯგუფი: კომპლექსური ჰომეოპათიური პრეპარატი.

გამოშვების ფორმა: 1.1 მლ ამპულები პარენტერალური გამოყენებისთვის.

შემადგენლობა: 1.1 მლ 1 ამპულა შეიცავს: Graphites D10, D30, D200, Calcium carbonicum D10, D30, D200 – შესაბამისად 5,5 მგ; ასევე, საინექციო წყალი, ნატრიუმის ქლორიდის იზოტონური (0.9%) ხსნარი.

ჩვენება: ეგზემა, განსაკუთრებით მშრალი და ქრონიკული; ნაწიბურების, კელოიდური წარმონაქმნების ხანგრძლივი თერაპია. მიდრეკილება სიმსუქნისადმი. ასევე მითითებულია ლიპომების, ათერომების, განგლიონებისთვის და განსაკუთრებით კელოიდებისთვის.

მიღების წესი და დოზირება: სტანდარტული დოზირება მოზრდილებსა და ბავშვებში 6 წლის ზემოთ 1 ამპულა 1-3-ჯერ კვირაში.

უკუჩვენება: მომატებული ინდივიდუალური მგრძნობელობა პრეპარატის რომელიმე შემადგენელი კომპონენტის მიმართ.

ორსულობა / ლაქტაცია: სასურველია ექიმთან კონსულტაციის შემდეგ გამოიყენება.